香港仔避風塘艇仔粉

一碗充滿著香港仔避風塘懷舊風味的特色美食《艇仔粉》
唔知各位朋友有冇品嚐過呢？

您可能會問，點解香港仔避風塘的艇仔粉咁出名咁受愛戴，是什麼原因？

原因是它除了有著懷舊風味之外，其主要原因是它的湯底，因為艇仔粉的湯底是用大地魚餚製 (即是漁民稱之為地溥魚)，用大地魚來煲成的湯底，鮮甜而不太膩，除用大地魚之外，有些都會用煎熟的大眼雞魚或梳羅魚來煲湯底，味道亦都好鮮甜。

加上叉燒、燒鴨、燒雞翼、燒紅腸、炸魚片等等配料，就變成一碗充滿著避風塘風味的艇仔粉，除咗大多數人喜愛的叉燒河之外仲有糯米飯添，而我就最喜歡食叉燒燒鴨河，食之前再加些少胡椒粉，簡直冇得頂呀！

如果您都想品嚐一吓咁有避風塘風味的艇仔粉，可以在傍晚時分去香港仔碼頭碰吓運氣，即香港仔數碼天地商場外，行人天橋行出去香港仔海濱公園，公廁對出個小碼頭，晚上七點零鐘有隻艇仔泊係碼頭度。

不過今時今日食艇仔粉真係好講緣份！因為佢未必每晚都會開檔，就算咁啱俾你遇見佢係碼頭開檔，都要排隊先可以有得食。

就正如一個人所講：放工專誠去食，冇開！咁啱黃昏釣完魚去食，又冇開！當食飽飯路經過碼頭，佢就有開！所以話今時今日想去食碗艇仔粉就睇吓您同佢有冇緣囉！

(轉載自香港仔艇仔粉Facebook Group)